性侵呢个话题，
喺呢个几月来一直keep住出现。
从Hollywood开始，
一直蝴蝶效应，
终于，爆到来亚洲地区。
欧美个边有个Tag，就做
#metoo，
上星期，香港女运动员
吕丽瑶出post响应，
随后即刻有大批人关注。
到寻日，终于到娱乐圈。
麦明诗喺社交网络，
发千字文，
话自己曾经被性侵。
而且仲要係唔止一次。
哇……
post文一出，
个个嘅反应都几乎係：
唔係啊嘛！！！！！！！
因为，一提到性侵，
大家脑海嘅画面，
都会係咁
咁
同咁。
性侵呢件事，
係大家心目中係好可怕噶，
所以大家係即刻跳入恐惧中，
根本冇认真，更加冇耐性，
去睇嗮成篇嘢。
喺大家都以为，
咁叻女咁大家闺秀嘅
10A港姐畀人强奸嘅时候，
麦明诗就出来强调：
我冇俾人强奸。
事情係发生喺麦明诗17,18岁，
佢当时去内地参加交流团。
但事情发生嘅详细经过，
佢并未透露。
而且，佢冇采取进一步嘅行动，
係因为事情发生係内地，
香港法庭冇司法管辖权。
佢仲话，因为事情涉及武力，
所以佢之后都去学防身术，
呼吁大家要保护自己。
然后佢仲好有耐性咁，
同大家分析性侵嘅定义，
仲摆好多例子，
畀大家参考。
佢教大家，
一定要行法律途径，
唔好用私行。
可以嘅话，尽量留低文字证据。
佢更加强调，
唔止女仔有机会被性侵，
男仔都一样有机会，
所以，一定要有足够嘅防范意识。
事情经过，大概咁上下。
麦明诗绯闻男友，
鸭王男主角何浩文话：
「我冇听过佢讲话有呢啲遭遇，但我知好多人都有呢啲经历，譬如被人夹硬锡、非礼，或者做啲同性有关嘅动作，当事人唔愿意嘅话，都算系性侵犯，试过喺酒吧出席生日Party，寿星女饮醉左，另外有个男嘅都醉左，个男想锡个寿星女，寿星女唔制，但冇乜力推开佢，我见到咁，唔知边度嚟嘅勇气，上去分开佢的，我谂我会被个男憎一世，但呢啲始终系人应该做嘅野嚟！」
同为港姐嘅冯盈盈
听闻之后表示：
「依家呢啲事揭出嚟，证明呢啲事并唔罕见，女仔遇上呢啲事一定会有阴影，希望呢啲事揭出嚟，可以教育吓其他女仔，如果遇到呢啲事，系应该要点做！」
听到大家嘅言论之后，
对于呢个话题，
大家觉得係点？？
可乐君认真问各位仁妹仁兄，
你哋/或者身边有冇人被人性侵过？
假如你哋遇到性侵嘅行为，
你哋会点做？？
可乐君听到嘅真实情况，
几乎都係，
女仔遇到性侵犯嘅时候，
大多数情况，都係唔知点反应。
当自己回过神来嘅时候，
件事已经结束咗。
所以最好嘅方法係，
做好预防，
你宜家预设好，事发嘅时候，
要点样去制止，点样去寻求协助，
好似防火演习咁彩排下啦！！
