网上放闪 叶璇自爆「有咗」？
艺人叶璇在2015年与内地男友小默先生公开恋情，但恋情反反复覆，去年闹分手后，又被影到去年情人节密游三亚，当街摸pat。直至叶璇在微博晒恩爱：「当一个男人巴不得一天24小时都陪在你身边，一会儿不见就如隔三秋，你大概能知道，他是真的深爱你。」她亦上载一张搭地铁的相片，感恩男友从不坐地铁却陪坐地铁。
相片引来网友留言，有网友提议她试试进入人生另一个阶段，尝试结婚生小孩，岂料叶璇竟高调回应：「已经都有啦。」，疑似暗示已双喜临门！
心急催老公！邱淑贞变发少女味返晒嚟
息影多年的邱淑贞（豆斗）下嫁沈嘉伟后诞下三名女儿，除了长女沈月成为索爆星二代外，二女沈日及三女沈晨亦开始长得亭亭玉立。虽然豆斗已是三女之母，昨日（16日）更是她50岁生日，但向来保养得宜的她依然皮肤白滑零皱纹，平时出席活动的她最爱扎起一头长发，以少妇打扮示人，不过日前豆斗大变身，一身少女Feel与老公到铜锣湾睇戏。
发现记者 即戴黑超
当日晚上约十时，豆斗与老公沈嘉伟双双现身铜锣湾，两人边行边倾步往附近戏院，全黑打扮的豆斗素颜上阵，天生一副美人胚子的她完全冇走样，皮肤依然白滑紧致，见她还将一头长发放下，实时减龄回春变少女。及后沈嘉伟离开往接胞弟及一名女长辈，独自在旁等待的豆斗极为吸睛，惹来不少途人目光。期间见她拿着电话不停录音，催促老公入场。未几沈嘉伟与细佬等人急赶前来会合，当她发现记者在场时，即戴回黑超及告知老公，一行人急急脚步入戏院。
甩拖出国冇王管！张建声公然揽女疗情伤
艺人张建声早前宣布同女友陈嘉莉分手，之后又入院做手术，连公司都勒令要佢放个假抖一抖。张建声趁住呢个假期出国旅行充充电，连日来都喺社交网边玩边晒出旅行靓相，与网友分享放假嘅节奏。估唔到分手冇耐，张建声已经公然揽女，仲将合照放上社交网，并留言多谢对方，原来个女仔系张建声去旅行时教潜水嘅教练，不过有网友都好支持佢快啲再结识个新女友，早日成家立室！
虽然张建声未有透露去咗边个国家玩，但从相中可见系热带东南亚嘅地方，见到佢除咗同老虎近距离接触外，仲去咗潜水并喺水底大玩自拍，亲亲大自然！
甩拖富二代半年 Cammi BB水着Look庆祝23岁生日
陈冠希旧爱、o靓模谢芷蕙（Cammi）近年营商卖时装，佢玩低调，连社交网都少po。不过炎炎夏日，Cammi BB㖊日就喺微信朋友圈贴咗一辑水着相，好有当年写真feel，佢又影前又影后，又影侧面，实行360度任睇唔嬲。Cammi BB真系好锺意玩P图，着住三点式嘅佢又丧改图变脸，将自己变「大眼妹」。
Cammi BB出道时报称三围系32B、24.5、34，佢发育都定咗，呢几年变化唔大，《苹果》㖊日打畀Cammi BB，佢身处泰国度假，因为本周五就系佢23岁生日，唔怪得之出埠庆生。问到呢啲靓相系咪内地富二代男友B先生同佢影？点知Cammi BB话：「其实分开咗一段时间，今次我同一班朋友去。」佢再话其实分开咗都半年，两人再见亦是朋友，至于分手原因，Cammi BB话：「性格不合，大家和平分开。」即系Cammi BB去年底已甩拖，回复单身。
Cammi BB于14年公开有内地富二代男友B先生后，不时网上贴相放闪，佢哋次次都孖咇去五星级大酒店食好西，14年情人节仲喺4粒钟内连环放闪5次，一于要大家闪盲大家，要人人羡慕佢哋。Cammi BB封盘后，又跟男友学做时装生意，长期住广州，双方又见埋家长，以为呢一pair打风都打唔甩，Cammi BB都等入门做少奶奶。点知有时人算不如天算，Cammi BB临门挞Q，佢同B先生结束四年情，女方o依家可以再开盘求偶。
单身嘅Cammi BB决意事业上重新出发，佢话：「休息咗半年，四围去玩，都嘥咗好多时间，上周签咗国内一间公司，谂住喺国内发展。」
陈法蓉Ada拎影后宝座扮攞奖 毛舜筠爆笑
毛舜筠喺圈中有两个姊妹组，一个就系「至八会」，另一个就系教会姊妹组，佢今年4月凭电影《黄金花》夺得第37届香港电影金像奖最佳女主角奖，佢喺台上多谢好姊妹一直喺身边支持，之后佢就去咗旅行，最近先陆续出席朋友饭聚。
陈法蓉喺微博贴出与蔡少芬(Ada)、商天娥、韩马利及毛舜筠嘅合照，原来佢哋相约喺利园食日本嘢，终于齐人可以一齐为毛舜筠庆祝，相中见佢哋送上写「We love Momo」嘅栗子蛋糕，个个仲拎住毛舜筠个影后宝座扮得奖，相当鬼马，o凼得毛舜筠爆笑，陈法蓉亦po出美食相，写道：「好好味~好朋友相聚，十二万分开心，无所不谈真快乐。」
