视帝陈展鹏、视后胡定欣及影后鲍起静（鲍姐）联手“打”造的无綫剧集《同盟》，当中展鹏与定欣的欢喜冤家戏，集动作与搞笑于一身，而展鹏与鲍姐的亲情戏，更令观众看得心如刀割！
由陈展鹏、胡定欣、鲍起静、陈山聪及姚子羚主演的新剧《同盟》，将于8月7日起，逢星期一至五晚上9时30分于翡翠台播出。剧情讲述展鹏饰演的高子杰，本来在台湾过着安逸生活，但突遭杀手袭击，为了追查真相，辗转间获定欣饰演的阮清欣所救，之后更发现真相与鲍姐饰演的令熊有关，接二连三的杀身之祸亦因此而来。
展鹏与定欣在旧作《城寨英雄》打出火花，再度合作更添默契，监制文伟鸿大赞他说：“展鹏演一个因为至亲而跌入充满阴谋同计算嘅邪恶世界，演出好扎实！佢同定欣嘅搞笑感情戏，勾住年轻观众嘅心，佢同鲍姐嘅母子情，又会令观众落泪！定欣今次演出又麻甩又抵死，佢对展鹏发姣嘅戏，一定令大家笑到碌地！”
百呎劏房打MMA
展鹏如愿演出梦寐以求带有喜剧感的角色，他说：“今次操Fit体能应付动作戏，亦摆咗好多心机喺身体语言上面，剧中我同定欣好多互相整蛊嘅戏，好疯狂，好有喜感，相信播出嗰阵，大家一定睇得好开心！”
监制文伟鸿指连打戏都带有幽默元素，但镜头后却充满血汗：“武术指导郭追设计咗好多有趣嘅动作，有场展鹏同定欣喺一百呎大嘅劏房打MMA，狭窄空间仲要吊威吔，拍之前排咗四、五日，拍就拍咗两晚，但就算做足安全措施，意外始终难免！有场戏讲定欣用道具刀捅展鹏，个动作顺利完成，但定欣件衫嘅拉链勾住展鹏嘅耳环，就咁扯开展鹏只耳仔，要去医院缝针，定欣都拍到扭伤脚，大家都好投入！”
揪心母子情
监制强调《同盟》有讯息带给观众：“外界一直认为呢个剧系动作戏，其实包含搞笑、揪心母子情同台前幕后精英嘅心血，我个仔睇咗都话：‘我要保护妈咪！’证明细路都觉得精彩刺激，我希望透过剧情将孝顺、‘义气系普世价值’嘅讯息传畀年轻一代！”
陈山聪姚子羚敌人变拖友
陈山聪与姚子羚在《同盟》中，有一段罗密欧与茱丽叶式的爱情故事，可媲美《城寨英雄》牙佬与花曼的凄美，山聪说：“我演鲍姐养子兼得力助手，但子羚系鲍姐对头人郭锋嘅女，两个家族大斗法，令我哋嘅感情线好似罗密欧同茱丽叶咁，既浪漫又凄美！”子羚则难忘亲身上阵拍打戏：“我拍完睇番都唔系好信嗰个系我，要多谢武术指导郭追师傅，因应我资质设计番相应动作畀我！”
子羚都打得已令人意想不到，剧中的情节同样令人意外：“《城寨英雄》有Big Boss，今次一样有一个神秘人物，会喺剧中畀足够嘅提示，但唔少睇咗片嘅人，都话估唔到！”
鲍起静军训脚抽筋
演技有口皆碑的鲍起静，于《同盟》内被发掘另一面，监制说：“鲍姐眼神慑人，今次演‘不一样的母亲’，观众好少见，有场戏佢同展鹏通电话，互相听住对方呼吸声，但又唔知点开口带出呢场戏，精彩！除咗文戏，武术指导仲设计咗两场动作戏，我要观众相信佢系接受过军事训练，所以安排咗相关训练畀鲍姐！”鲍姐说：“记得喺台湾拍外景，我跑得唔够快，跟唔到展鹏，后尾我双脚抽筋，我做惯妈妈角色唔使点郁㗎嘛，今次好辛苦！”
监制指剧中多位老戏骨令剧味倍增：“剧中鲍姐面对各怀鬼胎嘅家族成员，场戏集合咗张国强、敖嘉年、韩马利等演艺精英，佢哋将家族斗争升华到一种层次，互相角力但又系家人，观众会睇到好痛心！”
