影坛表青树谢贤（四哥）最近作客奇妙电视《天下第一Friend》节目，被主持郑绍康拆解他Chok爆不老之谜。谢贤率先爆屋企有部倒吊机：“我日日都要吊几次㗎！”年届八十，但仍有一头浓密头发，问是否与倒吊有关，他即谓：“早年我本来有一撮白发，后来吊吊吓就冇咗，都几神奇！不过我妈妈102岁过身时，都有好多头发，而且仲系灰色嘅，我希望第日都可以好似佢咁！”原来谢贤每日玩倒吊，还边吊边拍打面部减少皱纹。
要分年龄Chok
至于饮食作息，他坦白说：“我乜都食，从来唔戒口，以前仲会打通宵牌，依家得闲就去行山。医生帮我定期检查，各种指数都正常，我应该仲可以捞多两、三年嘅，哈哈……”
对于招牌Chok样，谢贤强调从来没有刻意去经营：“我只系因为做呢行唔可以失礼人，所以打扮下啫，Chok系人哋觉得！”问觉得自己和儿子谢霆锋谁更Chok？四哥笑道：“我系老人Chok，佢系年轻Chok！”
首部片酬150元
原名谢家钰的谢贤入行后花名一大堆，包括“阿肾”。他解释：“以前我好百厌，开工成日玩，前辈咪话我‘肾肾哋’啰，耐咗索性叫我阿肾！”当年谢贤由家姐看到招聘广告推荐入行，首部电影片酬有150港元，足够当时普通人家一个月的消费，很快谢贤已经红透半边天。
他不讳言事业上也遇过低潮期：“光艺结业后，李瀚祥签咗我去台湾，头一年冇戏拍，第二年同甄珍拍咗部戏，之后我就回流返香港开公司。”当年他和甄珍拍拖四年后结婚，但婚姻只维持了一年便告终：“成日话我系沟女王，其实我好专一嘅！成世人都只拍过五次拖，仲要次次都系畀人撇，阴功！不过我伤心都系两日，第三日已经唔记得晒，可以继续出去玩，唔系我点可以仲生存到依家呀？哈哈！”
