久未在港出席活动的吴千语，于柴湾出席老板黄百鸣公司旗下电影院线Cinema City开幕活动。她透露早前到法国旅行，问到男友林峯有否同行，她说：“我同一班朋友去，佢之后都有嚟。（有冇畀惊喜？）冇，都唔系乜嘢特别事。”她又谓有到天体沙滩见识，但未敢裸晒。
唔系置业好时机
她透露有超过半年时间未有与男友旅行，对于二人早前再传“分”讯，她指已不是第一次：“唔想回应，总之唔系。”有指她为林峯戒夜蒲，她说：“大家有大家嘅朋友、圈子好正常，系出街畀人影到啫。”另有指二人筑爱巢，但千语未有正面回应，只谓：“未有结婚计划。（间屋写埋你个名？）梗系唔系啦！”她透露今年有意置业，但认为不是入市好时机：“今年贵，（楼价）又创新高。（有冇睇啱边区？）冇话特别边区，但想拣旧楼多啲。”
各有各忙唔谂结婚
千话又称与男友各有各忙，强调未有结婚的想法：“结婚都需要时间，我想结完婚即刻生BB。（可以先生后结婚。）事业先啦！依家好多都迟婚，30岁唔算迟。都系讲缘分，但唔系依家。”她又指林峯一年只有三份一时间留在香港，一年只去一次旅行。虽然二人常于内地拍剧，但由于身处于不同城市，故仍然很少机会见面。
