艺人#王君馨#为唇膏品牌拍摄广告。她笑谓自从“花曼”开始，唇部似乎成了王君馨的标记：“屋企大大话话有120支唇膏，一定多过鞋，好多粉丝都会问我搽紧咩牌子、几多号唇膏。”
她又sweet爆指丈夫Daniel很喜欢吻她：“可能之前分开得太耐，佢成日要锡锡，数唔清一日锡几多次，有时我要阻止佢，因为未落妆嘛。”
谈到广告内要“撒娇”，君馨放闪谓：“可能呢方面我叻过香港女仔少少，不过我唔使成日撒娇，因为老公好锡我，同埋我觉得应该fair啲，唔想嗲人去得到某一啲嘢。”
唔担心生育大计提前
当问到与老公sweet爆，可担心有“意外”发生，令两、三年后的生育大计突然提前，她腼腆答：“有向身边姐妹请教，可以计日子同做安全措施嘅，自己小心啲啰。呢啲嘢系上天安排，要嚟都会接受。”
她又笑指婚后自己工作未停过，觉得老公“旺妻”：“佢都搵到银行工，我哋要努力搵钱买楼。前晚做节目得到两万蚊，买咗部电视同抽湿机啱啱好，好开心。”
