前日是TVB小花赖慰玲（Winki）31岁的生日，她突然在网上宣布怀孕5个月！
赖慰玲留言：「今年最大最大的生日礼物是我肚中有了一个小生命，除了演员，我的梦想就是当一个母亲，是这个时候了，我们牵手5年，我们的宝宝快5个月，我们带着满满的感动和祝福，期待着宝宝的来临，来喷射式恭喜我啦！」
赖慰玲最为人认识的，一定系佢喺前年播出的大台剧《女人俱乐部》中，饰演年轻版张慧仪而备受观众注目，到旧年，赖慰玲在《殭》中饰演「丘玲梅」，演技大受赞赏，甚至有网民赞佢已经「超晒班」。
其后赖慰玲再喺《火线下的江湖大佬》中，饰演年轻版的苏佑妙（即苑琼丹个角色），另又参演咗《纯熟意外》、《爱·回家之八时入席》（客串），而喺今年播出嘅《财神驾到》、《迷》及《与谍同谋》中，都可以播到赖慰玲嘅身影；
其中佢在《迷》嘅戏份唔少，又同第一男主角郑嘉颖演叔侄，在大台备受重用。
而赖慰玲仲有其他参演咗但未播出街嘅剧集，包括《宫心计2·深宫计》及《栋仁的时光》。
昨日31岁生日的赖慰玲，于IG公布怀孕近五个月嘅好消息，而BB嘅爸爸就系同佢拍拖五年的舞台剧男友梁子峰。
其实Winki宣布有喜的消息，也不突然，因为早于去年5月，佢接受周刊专访时，已曾透露己有心理准备做人妻同人母。
访问中，Winki讲到自己同拍拖多年的男友梁子峰感情稳定，俩人在剧团认识，亦已经去到谈婚论嫁阶段，去年已经有谂过成家立室，因为佢哋都想有小朋友。
Winki仲话自己本身有两个哥哥，但因为妈妈本身有七兄弟姊妹，所以过时过节返外家时，有成五十几个亲戚，就好似开party咁，所以自小就好钟意热闹。
Anyway，恭喜晒赖慰玲！
陈凯琳（Grace）被问好友赖慰玲未婚怀孕，她接受传媒访问时称：「No she told us and a few close friends ahead.」Grace仲话听到消息，当然第一时间恭喜佢。
咁到时会唔会争住做契妈？佢话：「Haha I hope so.」至于好友会唔会等生完先结婚，Grace就话：「I think I leave her to answer this la.」
因为合作《迷》而成好友嘅田蕊妮，接受访问就谓：「我其实之前已经恭喜佢呀，佢其实之前都已经知，真系戥佢好开心，好高兴，因为佢一路都梦想做妈咪，佢终于梦想成真！」
另外，同样就快做妈妈嘅孙慧雪就喺自己个Instagram度贴相恭喜赖慰玲，佢话：「生日快乐，恭喜你做人妈妈啦！真替你开心，估唔到我哋一齐做妈妈。」
赖慰玲仲有覆雪雪BB，话点解拣张影得唔靓嘅相，点知雪雪BB话张相系蔡思贝手笔，蔡思相话：「两个幸福写在脸上，仲叫影得唔好？」劲晒幸福。
赖慰玲嘅好朋友陈嘉宝，都有恭喜佢，佢今日回复话：「好开心同超级感动！总之就好戥佢开心啦，呢段时期间每次见亲佢都会好肉紧。知道佢真系好兴奋，同好开心，所以想将呢份喜悦留返比佢自己，知道佢听日会有活动，就等佢听日亲自同大家分享啦，相信佢会同大家好好咁倾。」
至于赖慰玲本人，就在昨晚9点后更新咗ig，见何雁诗、陈滢、糖妹、陈嘉宝等人摸住佢个肚，佢留言话：「多谢呢班契妈妈，一直帮我保守秘密，但系其实佢哋知道嘅时候，兴奋到喊咗，有一个喊咗10分钟，我坐系隔篱束手无策。」
恭喜恭喜啦！
