素材来源：广州正嘢
仲有几日就过年啦，过年节目你地准备好未？
没节目？新年流流係屋企？不行不行！
今年贺岁档有6部片同时上画，究竟边出好睇值得睇，等我话你知。
据小编所知，将在大年初一上映的大片有《捉妖记2》《唐人街探案2》《西游记女儿国》《红海行动》《熊出没 变形记》《祖宗十九代》。
《捉妖记2》
15年嘅时候，《捉妖记》获得咗好高嘅票房，笑到肚痛嘅剧情同胡巴“萌萌哒”个样，令人好期待第二部嘅剧情。所以一于趁住之前嘅口碑，乘胜追击，时隔三年再拍续集。
《捉妖记2》无论係主演阵容定係宣传都落足心机。除咗上一部嘅主演白百何同井柏然，今次仲请埋梁朝伟、杨祐宁、李宇春等大咖来助阵，真係令人期待。
更係邀请五月天来演唱主题曲——《什么歌》。仲联合浙江卫视，同各路明星拍住上，庆祝小年夜！咁猛烈嘅宣传攻势，真係唔睇都唔得啦。
《唐人街探案2》
《唐人街探案》第一部最后神秘少女嘅眼神真係令小编印象深刻，依家念起都起晒鸡皮。
《唐人街探案2》依旧係陈思成导演，依旧是王宝强和小鲜肉刘昊然主演。
作为第一部嘅后续，第二部讲述了唐仁为巨额奖金欺骗秦风到纽约参加世界名侦探大赛。唐人街第一神探组合再次披挂，抽丝剥茧，冒着生命危险闹翻宇宙中心-纽约嘅故事。
《唐人街探案2》嘅宣传都唔差，海报係多趟列车上都可以睇到，唔知你地坐车有冇睇到，反正小编係冇睇到过咯。
《红海行动》
旧年，《战狼2》掀起咗国产主旋律动作片嘅热潮，小编睇完好燃。《红海行动》 斋听个名就知係尼类片。各种暴力震撼场面“真实”展现，十分精彩。
尼部片由《湄公河行动》嘅导演执导，更有张译、杜江、黄景瑜、海清等主演。
作为《湄公河行动》嘅姊妹篇，睇过《湄公河行动》嘅人都知，场面触动人心。尼部片都係小编嘅新年电影列表之内。
除咗上面嘅三部片热门电影令人期待之外，仲有以下几部都係大年初一上映。
《西游记女儿国》
《西游记女儿国》係《西游记》系列电影嘅第三部,由郑保瑞执导,郭富城、冯绍峰、赵丽颖、小沈阳主演。
虽然第一部《西游记之大闹天宫》同第二部《西游记之孙悟空三打白骨精》口碑平平,但係春节档上映嘅票房基本都好高，有赵丽颖同冯绍峰坐镇，票房应该都唔差吧。
冯绍峰版嘅唐僧，你地又点睇？
《熊出没 变形记》
动画片《熊出没》简直就係深入人心，入边嘅光头强、熊大、熊二成为做小朋友嘅偶像。
小编认为，尼部片会好受小朋友欢迎，票房应该都唔差得去边。啲剧情同《熊出没》都大同小异。
《熊出没》系列大电影竟然已经连续五年係春节期间上映，睇来小编真係冇童年，完全都唔知。
《祖宗十九代》
尼部《祖宗十八代》《祖宗十九代》係郭德纲嘅银幕处女作，虽然係喜剧片，但係新年放尼个名真係好咩？
先唔讲个戏名，作为郭德纲嘅处女作，佢嘅徒弟岳云鹏梗係要助阵啦，更有吴京、王宝强、林志玲、吴秀波等演员演出。
光係吴京，小编觉得就好有睇头，旧年嘅《战狼2》，小编就对吴京刮目相看。
虽然个名好唔正经，但係内容就好正能量。虽然郭德纲都笑住话自己部係烂片，但係究竟烂唔烂，就要睇过先知啦。你又会唔会去睇尼？
咁多电影睇，真係一日一部睇完都要返工咯！
大年初一，基本上都係喜剧片同主旋律嘅片比较多，过年不妨去戏院睇个戏开心下！
文字 / 广州正嘢 A-lam
排版 / 广州正嘢 A-lam
图片 / 来源网络
*素材来源于网络，若有侵权，请通知删除*
END
