今日快报
黄翠如洪永城再度联手拍旅游节目
黄翠如和洪永城(Tony)这对最佳拍档，他们自从有线已经有不少合作，主要都是旅游节目。双双过档无线后依然都是合作无间，有《走过浮华大地》和《走过足球圣地》，剧集都有《爱我请留言》和《我瞒结婚了》，不过大家最想睇佢两个都必定是旅游节目，不少网民都说他们两个剧集就一般，反而去吓外国，介绍吓当地文化仲受欢迎！
继上一个节目《走过足球圣地》，他们已经四年没有再一起拍摄旅游节目，连世界杯都就快又踢一次，大家都好期待他们再走在一起，看来有机会喇！
事关翠如近排在Instagram上放了几张相，除了有Tony的身影之外，更透露他们是在日本，仲有好靓的雪景，更有所暗示地说：「从这里延续我们的旅程。」可能真系有旅游节目继续拍喎！不过今年世界杯在俄罗斯举行，睇落就唔系系《走过足球圣地》喇！
老窦唔畀性感！陈凯琳晒透视装问过嘉颖
艺人陈凯琳（Grace）到金钟出席电影首映礼，身穿性感透视装到场的她，表示有向男友郑嘉颖讲衣服的款式，问到男友是否不让她着得性感：「唔系唔畀嘅，但唔好太性感。（佢自己睇？）唔系，佢知道可能惊我爹哋唔开心，佢都为我爹哋着想啫。」
Grace表示有看电影的第一集：「我好少睇呢啲戏，睇嗰时都有啲怕丑。我真系一路睇一路遮住，好似睇恐怖片咁。我啲朋友仲问我几大。系开心与唔好开心之间，惊惊哋又要睇。」问到可会拍激情电影，Grace说：「唔得。我自己个尺度去唔到呢一度。（同男友一齐拍？）唔好啦！我自己都唔得，何况同佢一齐拍。（如果佢拍呢？）我谂佢都唔会㗎啦！我肯定佢唔拍。」她又表示情人节要开工，可能提早一两日与男友庆祝。
结婚17年！张智霖袁咏仪十指紧扣放闪
昨日系张智霖（Chilam）同袁咏仪（靓靓）嘅结婚17周年纪念日，所以Chilam今日一早就已经喺社交网站上载二人好Sweet嘅背面照，佢哋喺相里面齐齐举高手兼拖实手仔，Chilam仲留言话：「十七年快乐！」老公咁有心，靓靓见到即刻冧爆！
之后靓靓亦转发张相，似乎透露有浪漫嘅烛光晚餐食：「烛光晚餐的菜单：肉骨茶和桔仔水！」网友见到之后纷纷表示祝福及羡慕，有人更话见到佢哋咁恩爱仲开心过自己拍拖，Chilam同靓靓真系好闪呀！
冇人约！蔡思贝孤独过生日：食完饭就瞓
艺人蔡思贝到元朗拍摄节目《降魔的捉妖游戏》，体能超班的她笑言拍Game骚好玩，但相比上次到泰国拍《使徒行者卧底游戏》更辛苦，思贝说：「因为我好怕冻，上次去泰国最多都系晒，冬天感受就好唔同，多室外部分，前两日仲要湿身，好彩工作人员都好贴心，准备好暖包实时畀我哋。」
谈到2月6日是思贝的27岁生日，她表示在工作中度过：「当日返公司开会，讲新剧角色同故事，呢个角色好有挑战，我当系一份礼物嚟。导演开完会先至知我生日，仲叫我下次生日开会应该say No，不过我唔介意嘅。（约人食生日饭？）冇呀，夜晚食完饭就瞓，几lonely，原本约咗父母，但佢哋当日喺台湾返香港时Delay咗，已经约咗佢哋过年前补祝番。」
老公陪对戏 林淑敏冧爆：真系冇嫁错
「大小姐」林淑敏到马鞍山出席《都市闲情》之「灵犬「旺」福近新岁」活动，与一班主持拍档大玩游戏，深受街坊欢迎。
林淑敏凭剧集《爱·回家之开心速递》人气急升，问今个新年是否猪笼入水？她笑说：「希望观众会继续开电视支持，钱够使就算。（有其他新角色？）有份拍新剧《BB来了》，依家有方向，喺《爱》可以再做好啲。（角色影响你本人？）啲人以为我骂人冇底线，大声少少就系骂人，仲有街坊见到我，叫我畀封Warning letter佢！咁代表个角色大家锺意，我觉得系幸运嘅。」
问到有否畀过Warning letter老公？林淑敏说：「唔敢呀，佢负责畀家用。（投诉你恶？）冇，有时拍得多集数，自己个脑转唔切，佢就会陪我对戏，我真系冇嫁错人！（情人节陪老公？）要开剧、等紧许家杰返香港，有一集讲我同佢。（老公呷醋？）唔会，许家杰女朋友都未呷醋啦！」
☞转载授权微信：lama129
☞ 商务QQ：3004269083
