陈豪想拍大陆剧？欧阳震华撑陈豪离巢：佢有毛有翼啦！

欧阳震华（Bobby）同黄柏高日前在中环，为某鲍鱼专门店担任剪彩嘉宾，Bobby更即场试食鲍鱼，事后佢话今次帮朋友做代言人，咁酬劳系咪收友情价？佢笑住话：「接近天价。」有冇送股先？佢表示：「唔话你知，我哋唔讲呢啲嘢，友谊第一。」

对于有指郭晋安同无线转签部头合约，改签王祖蓝做经理人，陈豪亦有意离巢赚人仔养家，Bobby以过来人身分表示理解：「佢未走过吖嘛！有好多人未出去过就会想出去睇吓。我拍完《壹号皇庭》第二辑都出咗去十个月，后来公司话拍下一辑咁又返去，个心唔出去睇吓又唔心息，好奇系人嘅本性，冇坏，唔出去睇唔知乜系好，乜系冇咁好。

（出去嗰十个月睇咗啲乜？）我就犀利，拍咗电视电影、电影，我喺无线，啲人唔系唔想搵你，但系手续好繁复，要花好多时间倾条件。」

至于陈豪有否问他意见？Bobby笑称对方有毛有翼：「你估我好熟出面咩，冇人咁虾佢，佢咁老实。（喺出面系咪搵多好多钱？）呢个当然啦！因为我哋出到去真系好专业，做样样嘢都好，同内地拍广告、电视剧都好，个完个个拍手掌，我系乜都得，叫我做乜反应都做到。

（十个月系你三年人工？）点止，我当年喺无线得万几蚊。（咁赚多几多？）我冇计，见到啲人工好开心。（咁点解又返去无线？）我锺意，因为人情味，喺无线由保安已经识，一路打招呼打到入化妆间，好开心，以前科技唔发达，个个好锺意倾偈，唔会好似依家咁个个揸住部电话，好静，所以科技带嚟冷漠。」

☞转载授权微信：lama129 ☞ 商务QQ：3004269083